Awak urang Minang....

Salam

Bak apo kini ko jadinyo tuan, manangguang jo anak salaban, sangsaro badan manangih la surang, bak iko nasib eh den tangguang kan, biarla sangsai iduik ko tuan, maminto kasiah sapanjang jalan
alah tamanuang jo surang, maratok manangih pagi dan patang, manganang jo untuang nyo badan, awak yang tuo indak dipadulikan, saro manjo baruak di hutan.

(Sangsaro Badan by Mastura)

Kalam lah hari di Simabua, kudo ah lakek palanonyo, baranti sampai siang hari, kalau dinanti lamo bana, samalam maik dalam kubua, tibo malaikaik ka mananyo, bukannyo jawek nan tabari, kasiah ndak sampai nan takana

Untuak Minang kami nan tacinto,bundo kanduang kami nan taibo. Panduduak nan samestinyo manjago,namun bantuak sarupo mahino...???Memang pandapek ko indaklah untuak kasadonyo,tapi baa pulo caro mamilahnyo kok bantuak itu adonyo...!?Di kampuang apo lai di kota samo se parangainyo, caliak lah banyak dunsanak kito nan kini supo tabedoburuak pandia malagak supo indak pandai lai jo bahasonyo...!?Baitu pulo panyampaian namo tampek jo tulisan nan babedoado. Manga indak bangga jo paninggalan niniak muyang kito nan lamo bukankah adaik jo budaya Minang kito indak lo kalah santiangnyo...!?Manga pulo nyo malah mamiliah kapado nan "urang punyo",indak sadarkah baso nan supo itulah caro urang kapia manyasekan kito...!Wahai urang Minang dunsanak nan tacinto sadarilah basonyo adaik jo budaya Minang adolah karunia-Nyo untuak itu marilah kito baliak ka "khittoh" Minang kito,"kaffah"lah manjadi rang Minang, sabalun nagari kito tagadai pulo.Puisi ko dibuek dek karano kaprihatinan kapado suku nan banamo MINANGKABAU...Samoga dunsanak nan lainnyo, lai tabaok pulo kapado nasihaik nan (insyaAllah) bayiak adonyo ko, amin Allahumma amiin...